សម្តេចតេជោ ក្នុងឱកាសអញ្ជើញដាក់ឲ្យអនុវត្ត «ផែនការយុទ្ធសាស្រ្តជាតិស្តីពីការភា២០១៤-២០១៨» ពីសាល មហោស្រពកោះពេជ្រ នាព្រឹកថ្ងៃទី០៣ ខែកក្កដា ឆ្នាំ២០១៤នេះ បានមានប្រសាសន៍កត់សម្គាល់ថា នៅក្នុងមួយ រយៈពេលចុងក្រោយនេះ មានករណីធ្វើទារុណកម្មធ្ងន់ធ្ងរជាច្រើនករណី បានកើតមានលើកុមារ។
សម្តេចនាយករដ្ឋមន្រ្តី ក៏បានលើកឡើង ពីការធ្វើទារុណកម្មដ៏ធ្ងន់ពីសំណាក់ព្រះសង្ឃទៅលើកូនសិស្សលោក ដែលទើបមានវ័យ ៩ឆ្នាំ នៅក្នុងវត្តវត្ដឈ្នួល ស្ថិតនៅឃុំឈ្នួល ស្រុក ព្រះនេត្រព្រះ ខេត្ដបន្ទាយមានជ័យផងដែរ។
សម្តេចតេជោ ហ៊ុន សែន បានហៅការធ្វើទារុណកម្មរបស់ព្រះសង្ឃ ខាត់ សុទី ទៅលើកុមារា តន រតនា ដោយ ចាក់ទឹកក្តៅ និងយកខ្សែភ្លើងឆក់តាមមាត់ជាដើមនោះ ជាអំពើដ៏ឃោរឃៅ និងព្រៃផ្សៃ។
សម្តេចតេជោ បានអំពាវនាវឲ្យអាជ្ញាធរពាក់ព័ន្ធត្រូវនាំគ្នាពិនិត្យ និងរកវិធីទប់ស្កាត់លើអំពើទាំងអស់នេះឲ្យបាន មុន កុំចាំដល់ពេលកើតឡើងហើយ ទើបនាំគ្នាចាត់វិធានការ។
សម្តេចក៏បានអំពាវនាវឲ្យអាជ្ញាធរពិនិត្យមើលផងដែរ ពីករណីស្មុំកូននៅតាមមណ្ឌលកុមារកំព្រា។ សម្តេចបាន លើកឡើងទៀតថា មានអ្នកខ្លះបានទៅសុំក្មេងពីមណ្ឌលកុមារកំព្រា ដើម្បីយកទៅចិញ្ចឹម តែធាតុពិតបែរជាយកទៅបម្រើខ្លួន ដូចទាសករ និងវាយដំ ច្រំធាក់គ្មានក្តីមេត្តា។
សម្តេចតេជោ ហ៊ុន សែន បានឲ្យអាជ្ញាធរពាក់ព័ន្ធត្រូវតែពិនិត្យឲ្យបានម៉ត់ចត់ទៅករណីទាំងអស់នេះ ចៀសវាង ធ្វើឲ្យកុមារកាន់តែច្រើនទៀត រងគ្រោះដោយជនខ្វះក្តីមេត្តា៕
ពីដើមអំពិល...
