ភ្នំពេញ ៖ សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជាបានផ្ញើសារ បញ្ជាក់ថា ពាក់ព័ន្ធប្រាក់ខែអ្នកតំណាង រាស្ដ្រគណបក្សសង្គ្រោះជាតិដែលកន្លង មកមិនចូលក្នុងរដ្ឋសភា ហើយឥឡូវ ចូលទៅ តើមានការរំលឹកប្រាក់ខែឱ្យឬ អត់? សម្ដេចតេជោនាយករដ្ឋមន្ដ្រីមាន ប្រសាសន៍ថា ខ្ញុំអត់មានសិទ្ធិទេ សូម សួរទៅក្រុមប្រឹក្សារដ្ឋធម្មនុញ្ញ ពេលដែល មិនចូលធ្វើការអ៊ីិចឹងបើកប្រាក់ខែបានឬ អត់ ? ខ្ញុំនឹងគោរពនូវសេចក្ដីសម្រេច ក្រុមប្រឹក្សារដ្ឋធម្មនុញ្ញ ។
សម្ដេចតេជោនាយករដ្ឋមន្ដ្រីមាន ប្រសាសន៍បែបនេះនាព្រឹកថ្ងៃទី១១ ខែ សីហា ឆ្នាំ២០១៤ នៅមជ្ឈមណ្ឌលសន្និ បាតនិងពិព័រណ៍កោះពេជ្រក្នុងឱកាស អញ្ជើញជាអធិបតីក្នុងពិធីប្រគល់ សញ្ញាបត្រជូនដល់និស្សិតថ្នាក់បរិញ្ញា បត្រនិងថ្នាក់បរិញ្ញាបត្រជាន់ខ្ពស់នៃ សាកលវិទ្យាល័យន័រតុនសរុបចំនួន ២.៥០១នាក់ ដែលបានបញ្ចប់ការសិក្សា ក្នុងឆ្នាំសិក្សា២០១១-២០១២ កន្លងមក ក្នុងនោះក៏មាននិស្សិតថ្នាក់បរិញ្ញាបត្រ ផ្នែកអាហារូបករណ៍របស់សម្ដេចតេជោនាយករដ្ឋមន្ដ្រីនិងសម្ដេចកត្ដិព្រឹទ្ធបណ្ឌិត ៥០នាក់ផងដែរ ។
ពាក់ព័ន្ធនឹងបញ្ហានេះសម្ដេចតេជោនាយករដ្ឋមន្ដ្រី មិនយូរប៉ុន្មានទេ នឹងមានអ្នកមករកខ្ញុំទៀត ។ ឥឡូវខ្ញុំសូម ឱ្យសួរទៅក្រុមប្រឹក្សាធម្មនុញ្ញ ព្រោះ ខ្ញុំសួរថា មានអ្នកស្នើដែរ ខ្ញុំការពារ សិទ្ធិខ្លួនឯងដែរ ព្រោះខ្ញុំមានសិទ្ធិឯណា ចំណាយបើគិតសរុបទៅជាង១លាន ដុល្លារ អត់បានទេណា ។
ខ្ញុំថាទេក៏មិនថា ថាបានក៏មិនថា Yes ក៏មិនថា No ក៏មិនថា រង់ចាំក្រុមប្រឹក្សា ធម្មនុញ្ញបកស្រាយ នេះសមហេតុសម ផលពិតប្រាកដហើយ ។ សូមអស់លោក បណ្ឌិតៗខាងអ្នកវិភាគ សូមចេះវិភាគ មើលៗផង...។
យីអាត្មាទេណាដែលពិបាកឱ្យទៅវា ខុសច្បាប់វានឹងកើតបញ្ហា មានរឿងទៅ គេចោទថា លោកហ៊ុន សែន គ្រប់គ្រង ប្រទេសអត់អនុវត្ដន៍ទៅតាមច្បាប់តាម ទម្លាប់វានឹងមានគ្រោះថ្នាក់ដល់ជាតិ ។ ដូច្នេះខ្ញុំការពារទុកឱ្យហើយៗបញ្ជូនទៅ ក្រុមប្រឹក្សាធម្មនុញ្ញហើយក្រុមប្រឹក្សា ធម្មនុញ្ញថាអត់ចូលធ្វើការបើកប្រាក់ខែបានដល់មានទោសទណ្ឌអ្វីថ្ងៃក្រោយ ក្រុមប្រឹក្សាធម្មនុញ្ញធ្វើខ្លួនឯង ។ ប៉ុន្ដែ បើខ្ញុំបើកស្រាប់តែគេចោទថា បើកខុស ហើយទាល់តែធ្វើការបានគេបើកអ៊ី្ចឹង ហើយគេមិនដែលបើកប្រាក់ខែដើម ខែទេ ។ គេបើកប្រាក់ខែចុងខែតើទាល់ តែអ្នកឯងចូលធ្វើការឱ្យគេបានគេបើក ប្រាក់ខែហើយយើងអត់បានធ្វើការផង ហើយយើងទៅបើក ។ បើដូច្នេះអ្នក ដែលខុសស្រាប់តែមកថា នាយករដ្ឋ មន្ដ្រី ប្រធានសភា... ប៉ុន្ដែប្រធានសភាប្រហែលជាមិនហ៊ានទេ ។
រួចហើយសូមកុំថា លោកហ៊ុន សែន ចង្អៀតចង្អល់ណា ព្រោះនេះលុយជាតិ ផង១លានដុល្លារអាមេរិក លុយប្រជា ពលរដ្ឋបង់ពន្ធ ស្រាប់តែមកឱ្យខ្ញុំសម្រេច លេងៗលុយមានតិចឯណា១លានដុល្លារ អាមេរិកណា ស្មើនឹងជាង៤ពាន់លាន រៀល ។ សូមប្រកាសយករួចខ្លួនអត់ទេ អត់ប្រថុយទេ សូមទោសតេជគុណ សូម ទោសហើយញោម អាត្មាមិនលេងជា មួយទេ ។ អត់ចូលធ្វើការបើកប្រាក់ខែ ថ្ងៃក្រោយក្លាយទៅជាទម្លាប់ហើយរួច ហើយដើរលេងសិន... ដើរធ្វើបាតុកម្ម សិនគង់តែគេបើកប្រាក់ខែឱ្យតែដដែល ស្រួលម្យ៉ាងដែរ ។
សម្ដេចតេជោនាយករដ្ឋមន្ដ្រីមាន ប្រសាសន៍ទៀតថា ទេក៏មិនថា ឱ្យក៏មិន ថា មិនឱ្យក៏មិនថា រង់ចាំស្ដាប់ក្រុមប្រឹក្សា ធម្មនុញ្ញ ។ បើសិនមិនស្នើគឺកាន់តែល្អ ព្រោះមិនដែលអ្នកណាអត់ចូលធ្វើការ ផងហើយបើកប្រាក់ខែឱ្យដូចជាស្រួល ពេលអ្ហី ។ ដើម្បីយកមកទូទាត់បញ្ចី ចំណាយការធ្វើបាតុកម្មកន្លងទៅដូច្នេះ ដូចជាពេកហើយអ្ហី... ។
រឿងហ្នឹងលោកទៀ បាញ់ អាចដឹង ហើយរឿងនេះចែករំលែកព័ត៌មានគ្នា ទៅមហាផ្ទៃក៏គេដឹង ដល់គិតមើលគិត ចុះគិតឡើងយីមួយខែ២ពាន់ដុល្លារដល់ សរុបទៅ១០ខែជាង១លានដុល្លារអាត្មា មិនហ៊ានទេណា ។ ទេ កុំថាដល់ប៉ុណ្ណេះ ទោះបី៥ម៉ឺនឬ១០ម៉ឺនដុល្លារក៏ត្រូវសួរ ក្រុមប្រឹក្សាធម្មនុញ្ញដែរ ព្រោះកាលពី ឆ្នាំ២០០៣ សម្ដេចមានប្រសាសន៍ថា ខ្ញុំមានកំហុសម្ដងរួចមកហើយ កាល ណោះ Rapel ឱ្យទាំងគណបក្សប្រជាជន Rapel ទាំងគណបក្សហ្វ៊ុនស៊ិនប៉ិច និង គណបក្សសមរង្ស៊ីរយៈពេល១១ ខែ ។
សម្ដេចតេជោនាយករដ្ឋមន្ដ្រីបញ្ជាក់ ទៀតថា យើងសប្បាយទាំងអស់គ្នាជាតិ យើងឈ្នះរឿងរ៉ាវអតីតកាលត្រូវបាន បញ្ចប់កាលពីថ្ងៃសុក្រកន្លងទៅហើយ បើកទំព័រថ្មីជំរុញដំណើរការជាធម្មតា ដែលយើងមានក្នុងក្របខ័ណ្ឌយុទ្ធសាស្ដ្រ របស់រាជរដ្ឋាភិបាលកន្លងផុតទៅឱ្យកាន់តែល្អ ៕
- See more at: http://nokorwatnews.com/detailnews.php?newsid=43930&mnu=2&cid=4#sthash.bm70XDUa.dpuf
