រាជធានីភ្នំពេញ ថ្ងៃទី ២៥ ខែកម្ភៈ ឆ្នាំ ២០១៥
សន្ទរកថាលោកសុខ អាននៅក្នុងពិធីបើកកិច្ចប្រជុំថ្នាក់ដឹកនាំប្រចាំឆ្នាំលើកទី១២ សមាគមន៍ជាតិកាកបាទក្រហម អឌ្ឍចន្ទក្រហម ប្រចាំភូមិភាគអាស៊ីអាគ្នេយ៍។

សំណើរអន្តរាគមន៍ទៅក្រសួង ឬស្ថាប័នដែលពាក់ព័ន្ធក្នុងការបញ្ឈប់ការកាប់ព្រៃឈើនិងជួយអភិរក្សព្រៃ សត្វព្រៃ និងពូជត្រីមាស នៅតំបន់អារ៉ែង ស្រុុកថ្មបាំង ខេត្តកោះកុង និងបញ្ឈប់គម្រោងវារីអគ្គិសនី នៅតំបន់អារ៉ែង និងជួយកែប្រែតំបន់អារ៉ែង ឲ្យទៅជាតំបន់អេកូទេសចរណ៍។

ក្រុមប្រឹក្សាខេត្តបន្ទាយមានជ័យ អនុម័តរបាយការណ៍សន្និបាតបូកសរុបលទ្ធផលការងារឆ្នាំ២០១៤ និងលើកទិសដៅការងារ ឆ្នាំ២០១៥ របស់រដ្ធបាលខេត្ត

ក្រុមប្រឹក្សាខេត្តបន្ទាយមានជ័យ រសៀលថ្ងៃទី ១៣ ខែកុម្ភះ ឆ្នាំ ២០១៥ បានបើកកិច្ចប្រជំុវិសាមញ្ញ លើកទី៥ ដើម្បីពិនិត្យ ពិភាក្សា និងអនុម័តរបាយការណ៍សន្និបាតបូកសរុបលទ្ធផលការងារឆ្នាំ២០១៤ និងលើកទិសដៅការងារ ឆ្នាំ២០១៥ របស់រដ្ធបាលខេត្ត ពិនិត្យពិភាក្សានិងអនុម័តបទអន្តរាគមន៍ ដែលត្រូវបង្ហាញក្នុងអង្គសន្និបាតរបស់ក្រសួងមហាផ្ទៃ ពិនិត្យពិភាក្សានិងអនុម័តសំណើតែងតាំងប្រធានមន្ទីរអភិវឌ្ឍជនបទខេត្តផ្តល់យោបល់លើ សេចក្តីព្រាងរបាយការណ៍សង្ខេបរបស់ក្រសួងមហាផ្ទៃ ពិនិត្យពិភាក្សា និងអនុម័តការអនុវត្តការបិទបញ្ជីចំណូល ចំណាយថវិកានិ់ងរបាយការណ៍បូកសរុបទូទាត់ថវិការបស់រដ្ឋបាលថ្នាក់ក្រោមជាតិឆ្នាំ២០១៤ និងពិនិត្យ
ពិភាក្សាអនុម័តរបាយការណ៍បញ្ចប់ សេចក្តីសម្រេចរួមឆ្នាំ២០១៤ រវាង គ.ជ.អ.ប និង រដ្ឋបាលខេត្តបន្ទាយមានជ័យ ។

គ្រូពេទ្យស្ម័គ្រចិត្តយុវជនសម្តេចតេជោពិនិត្យ និង ព្យាបាលជំងឺជូនពលរដ្ឋជាង២ពាន់នាក់ ឥតគិតថ្លៃ

(កំពង់ធំ)៖ សមាគមគ្រូពេទ្យស្ម័គ្រចិត្តយុវជនសម្តេចតេជោបានចុះបំពេញបេសកកម្មមនុស្សធម៌របស់ខ្លួនតាមរយៈការ ចុះធ្វើសកម្មភាពពិនិត្យនិងព្យាបាលជំងឺ ជូនប្រជាពលរដ្ឋចំនួនជាង២០០០ នាក់ដោយឥតគិតថ្លៃ នៅស្រុកបារាយ ខេត្តកំពង់ធំ ដែលសកម្មភាពមនុស្សធម៌នេះ ដឹកនាំដោយ លោកបណ្ឌិត ហ៊ុន ម៉ាណែត ប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ និង ក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ ចំនួន១០៨នាក់ និងមានការការចូល តំណាងរាស្រ្តមណ្ឌលកំពង់ធំ មន្ត្រីរាជរដ្ឋាភិបាល អជ្ញាធរដែនដី សហភាពសហព័ន្ធយុវជនកម្ពុជាខេត្ត កំពង់ធំនិងផ្នែកដែលពាក់ព័ន្ធជាច្រើនទៀត។

ថ្លែងទៅកាន់ប្រជាពលរដ្ឋ លោកបណ្ឌិត ហ៊ុន ម៉ាណែត បានមានប្រសាសន៍ថា សមាគមគ្រូពេទ្យស្ម័គ្រចិត្តយុវជន សម្តេចតេជោត្រូវបានបង្កើតឡើងតាមអនុសាសន៍ណែនាំដ៍ឈ្លាសវៃប្រកបដោយការគិតគូរពីសុខទុក្ខរបស់ប្រជាពលរដ្ឋរបស់សម្តេចតេជោ និងសម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែនតាមរយៈស្នើរឱ្យថ្នាក់ដឹកនាំនិងក្រុមការងារនៃសមាគម ចុះធ្វើសកម្មភាពពិនិត្យនិងព្យាបាលជូនប្រជាពលរដ្ឋតាមបណ្តាខេត្តនានាដោយមិនគិតពីនិន្នាការនយោបាយអ្វីឡើយ។

លោកបណ្ឌិតបន្ថែមថា «ជាក់ស្តែងថ្ងៃនេះ គឺជាទិវានៃសេចក្តីស្រឡាញ់ យើងទាំងអស់គ្នាបានផ្តល់នុវការគោរពស្រឡាញ់ជូនចំពោះប្រជាពលរដ្ឋតាមរយៈការពិនិត្យនិងព្យាបាលជូន ប្រជាពលរដ្ឋឥតគិតថ្លៃនៅក្នុងស្រុកបារាយ ខេត្តកំពង់ធំនៅពេលនេះ និងជាការថ្លែងអំណរគុណដល់ប្រជាពលរដ្ឋនៅក្នុងកំពង់ធំ ដែលបានផ្តល់នូវការគាំទ្រនិងជំនឿទុកចិត្តយ៉ាងមុតមាំចំពោះការដឹកនាំប្រទេសរបស់ប្រមុខរាជរដ្ឋាភិបាលកម្ពុជា ដែលតែងតែគិតគូរជាប់ជានិច្ចចំពោះសុខទុក្ខប្រជាពលរដ្ឋ»។

តាមរបាយការណ៌របស់គ្រូពេទ្យបានឱ្យដឹងថា ការពិនិត្យនិងព្យាបាលជូន ប្រជាពលរដ្ឋឥតគិតថ្លៃនៅក្នុងខេត្តកំពង់ធំនៅពេលនេះ បានពិនិត្យព្យាបាលជំងឺទូទៅ ពិនិត្យស្ត្រីដែលមានផ្ទៃពោះ វះកាត់តូច ព្យាបាលជំងឺមាត់ធ្មេញ ពិនិត្យភ្នែកត្រចៀកបំពង់ក ពិនិត្យអេកូបេះដូង សរុបទាំងអស់ជាង២០០០នាក់៕

ប្រភពព័ត៌មាន៖ Fresh News

សាលារាជធានីភ្នំពេញ ចេញបំរាមហាមឃាត់ការប្រើម៉ាស៊ីនថតរូប និងវិដេអូ បំពាក់លើយន្តហោះបញ្ជា «Drone»

(ភ្នំពេញ)៖ នៅថ្ងៃទី១៦ ខែកុម្ភៈ ឆ្នាំ២០១៦នេះ សាលារាជធានីភ្នំពេញ បានចេញសេចក្តីជូនដំណឹងមួយ ដោយហាមឃាត់មិនឲ្យប្រើប្រាស់ម៉ាស៊ីនថតរូប និងវិដេអូ បំពាក់លើយន្តហោះបញ្ជាដោយម៉ាស៊ីនស្វ័យប្រវត្តិ «Drone» ក្នុងការផ្តិតយករូបភាពធ្វើឲ្យប៉ះពាល់ដល់សិទ្ធិរស់នៅជាឯកជនរបស់ប្រជាពលរដ្ឋទូទៅ និងសុវត្ថិភាពសាធារណៈ។

ការចេញបំរាមនេះធ្វើឡើង ក្រោយពីមានហេតុការណ៍កើតឡើងមួយ នៅក្នុងព្រះបរមរាជវាំង ដោយជនជាតិអាល្លឺម៉ង់ម្នាក់ ត្រូវបានកម្លាំង សមត្ថកិច្ចឃាត់ខ្លួន ក្រោយពេលដែលរូបគេបានបញ្ជាយន្តហោះ ដោយប្រើយន្តហោះបញ្ជា «Drone» ហោះចូលក្នុងព្រះបរមរាជវាំង ខណៈដែលសម្តេចម៉ែ យាងហាត់ប្រាណ នៅក្នុងព្រះបរមរាជវាំង ហើយទតឃើញ យន្តហោះតូចមួយនោះហោះចូលព្រះបរមរាជវាំង ទើបបង្គាប់ឱ្យសមត្ថកិច្ចតាមរកអ្នកបញ្ជាយន្តហោះនេះ មកសួរនាំតែម្តង នៅព្រឹកថ្ងៃទី១៤ ខែកុម្ភៈ ឆ្នាំ២០១៥ ។

ក្រោយចាប់ខ្លួនជនជាតិអាល្លឺម៉ងម្នាក់នេះ ត្រូវបានសមត្ថកិច្ចនគរបាលនាំទៅកាន់ប៉ុស្តិ៍រដ្ឋបាលជ័យជំនះ ៕
ប្រភពព័ត៌មាន៖ Fresh News

តុលាការបង្គាប់ឱ្យស៊ើបអង្កេតឡើងវិញ រឿងឧកញ៉ា ឆបោកលុយកូនស្រីនាយឧត្តមសេនីយ៍ មាស សុភា ២,៥លានដុល្លារ

(ភ្នំពេញ)៖ នៅព្រឹកថ្ងៃទី១៦ ខែកុម្ភៈ ឆ្នាំ ២០១៥នេះ សាលាដំបូងរាជធានីភ្នំពេញ បានបង្គាប់ឱ្យស៊ើបអង្កេតឡើងវិញ ទៅលើសំណុំរឿងប្តីប្រពន្ធឧកញ៉ា ២នាក់ ដែលពាក់ព័ន្ធនឹងករណី «រំលោភលើទំនុកចិត្ត» លើកូនស្រីរបស់នាយឧត្តមសេនីយ៍ ផ្កាយ៤ មាស សុភា ចំនួន២,៥លានដុល្លារ តាមរូបភាពលក់ផ្ទះវិឡាមួយកន្លែង ឲ្យភាគីដើមបណ្តឹងម្នាក់ ប្រព្រឹត្តកាលពីឆ្នាំ២០១៣ ។

តុលាការប្រកាសសាលក្រមចាត់របៀប និងបង្វិលសំណុំរឿងក្តីនេះ ឲ្យស៊ើបអង្គេតឡើងវិញ ដោយសារតែមានរឿងជាប់មន្ទិលសង្ស័យជាច្រើនទៀត។ លោក តាំង ស៊ុនឡាយ ចៅក្រមជំនុំជម្រះ នៃសាលាដំបូងរាជធានីភ្នំពេញ បានឲ្យដឹងថា ជនជាប់ទាំង២នាក់ ខាងលើនេះមានឈ្មោះ ឧកញ៉ា សុខ រ៉ាថន ភេទប្រុស អាយុ៤០ឆ្នាំ មានមុខរបរជាពាណិជ្ជករ និងជាអនុប្រធានសភាពាណិជ្ជកម្មប្រចាំខេត្តបន្ទាយមានជ័យ និងឈ្មោះ ផាន់ ដាវី ភេទស្រី អាយុ ៣៥ឆ្នាំ ជាប្រពន្ធ។

អ្នកទាំង២នាក់ ត្រូវបានចោទប្រកាន់ពី «រំលោភលើទំនុកចិត្ត» ជាប់ពាក់ព័ន្ធនឹងករណីខ្ចីប្រាក់ចំនួន ២,៥លាន ដុល្លារអាមេរិក ដោយបញ្ជាំប្លង់ ផ្ទះវីឡាមួយកន្លែងឲ្យទៅ លោកស្រី មាស សុភារី ជាកូនស្រី របស់នាយឧត្តមសេនីយ៍ មាស សុភា ក៏ប៉ុន្តែក្រោយមកពួកគេ បានផ្ទេរកម្មសិទ្ធិរបស់ខ្លួន និង ផ្ទះវីឡានោះ បន្តទៅឲ្យភាគីទី២ ម្នាក់ ទៀត ដើម្បីខ្ចីចំនួន ២,៦ លានដុល្លារ យកប្រាក់មកទូទាត់ នៅក្នុងការជំពាក់ប្រាក់គេនៅក្នុងការរកស៊ីកន្លងទៅ។

សូមជំរាបថា បច្ចុប្បន្នឧកញ៉ា សុខ រ៉ាថន ភេទប្រុស អាយុ៤០ឆ្នាំ កំពុងជាប់ឃុំនៅពន្ធនាគារ ព្រៃស ចំណែកប្រពន្ធឈ្មោះ ផាន់ ដាវី ស្ថិតនៅក្រៅឃុំ៕

ប្រភពព័ត៌មាន៖ Fresh News

#2008 World Heritage List of Preah Vihear Temple

រដ្ឋសភាស្នើឲ្យរាជរដ្ឋាភិបាលបញ្ចុះតម្លៃអគ្គិសនី មកត្រឹម៦៥០រៀលនៅទូទាំងប្រទេស

(ភ្នំពេញ)៖ យោងតាមលិខិតតំណាងរាស្រ្ត និងជាអនុប្រធានគណៈកម្មការទី៩ នៃរដ្ឋសភា លោក ម៉ៅ មុនីវណ្ណ និងមានការឯកភាពពីសម្តេច ហេង សំរិន ប្រធានរដ្ឋសភា បានផ្ញើលិខិតមួយច្បាប់ជូនប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ដោយស្នើសុំមានការចុះបញ្ចុះតម្លៃអគ្គិសនីមកត្រឹម ៦៥០រៀល ក្នុងគីឡូវ៉ាត់ម៉ោង នៅទូទាំងប្រទេស។ 

នៅក្នុងលិខិតបានបញ្ជាក់ថា «តម្លៃថាមពលអគ្គិសនី លក់ជូនប្រជាពលរដ្ឋប្រើប្រាស់ នៅតាមបណ្តាខេត្តនៅទីជនបទ ដែលជាកន្លែងត្រូវការថាមពលអគ្គិសនី សម្រាប់ប្រើប្រាស់ក្នុងវិស័យកសិកម្ម និងតម្រូវការគ្រួសារ នៅតែលក់ក្នុងតម្លៃខ្ពស់នៅឡើយ»៕ 

អនុរដ្ឋមន្រ្តីក្រសួងការបរទេស ប្រទេសកាតាចាប់អារម្មណ៍ ពីការវិនិយោគវិស័យអចលនទ្រព្យ នៅកម្ពុជា

(ភ្នំពេញ)៖ លោក Mohamed Bin Abdullah Al Ramaihi អនុរដ្ឋមន្រ្តី ក្រសួងការបរទេស ប្រទេសកាតា បានសម្តែងការចាប់អារម្មណ៍ និង បង្ហាញពីគោលបំណង នៃការវិនិយោគលើវិស័យ អចលនទ្រព្យនៅកម្ពុជា។ ការលើកឡើងបែបនេះ បានធ្វើឡើងនាឱកាសដែល ឯកឧត្តមអនុរដ្ឋមន្រ្តីកាតា ជាមួយគណៈប្រតិភូបាន បានអញ្ជើញចូលជួបពិភាក្សាការងារ ជាមួយលោកឧកញ៉ា អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី រដ្ឋលេខាធិការ ក្រសួងការងារ និង បណ្តុះបណ្តាលវិជ្ជាជីវៈ ទីប្រឹក្សាសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា។

ក្រៅពីវិស័យនេះភាគីកាតា ក៏បានចាប់អារម្មណ៍ ទៅលើការវិនិយោគវិស័យ ឧស្សាហកម្មផ្នែក ផលិតផលហាឡាល់នៅកម្ពុជា ដើម្បីបំពេញតម្រូវការដល់ អ្នកប្រើប្រាស់ក្នុងតំបន់ និង នាំចេញទៅកាន់បណ្តាប្រទេសនានា ដើម្បីប្រកួតប្រជែង នៅលើទីផ្សារពិភពលោក ដែលឧស្សាហកម្មហាឡាល់ ជាវិស័យដែលបាន និងកំពុងបំពេញតម្រូវការ ចាំបាច់សម្រាប់អ្នក ប្រើប្រាស់ជាទូទៅ ហើយក៏ជាប្រភពមូលដ្ឋានសេដ្ឋកិច្ច ដ៏សំខាន់សម្រាប់ជាតិផងដែរ។

លោក Mohamed Bin Abdullah Al Ramaihi អនុរដ្ឋមន្រ្តី ក្រសួងការបរទេស ប្រទេសកាតា បានសរសើរ ចំពោះគោលនយោបាយ ដឹកនាំរបស់ រាជរដ្ឋាភិបាលកម្ពុជា ក្រោមការដឹកនាំរបស់ សម្តេចតេជោ ហ៊ុន សែន ដែលបានស្តារឡើងវិញ នូវសេដ្ឋកិច្ចប្រទេសជាតិ ឲ្យមានការរីកចំរើន គួរឲ្យកត់សម្គាល់ ជាការសង្កេតឃើញ ភាពជាក់ស្តែង សព្វថ្ងៃកម្ពុជាកំពុងតែ បោះជំហានទៅមុខ លើការអភិវឌ្ឍន៍ទាំងវិស័យអាណាចក្រ និងសាសនា ដែលបានប្រែក្លាយរូបរាងថ្មីមួយ សម្រាប់កម្ពុជា អោយមានសន្ទុះ ជឿនលឿន ខុសពីកម្ពុជា ប្រមាណជាង៣០ឆ្នាំមុន ដែលកម្ពុជាត្រូវបាន លេចលឺពាសពេញពិភពលោកថា ជាទឹកដីសមូរភូមិ និងការបំផ្លិចបំផ្លាញ គ្មានសល់។

លោកឧកញ៉ា អូស្មាន ហាស្សាន់ បានឲ្យតម្លៃខ្ពស់ ចំពោះចំណាប់អារម្មណ៍របស់អនុរដ្ឋមន្រ្តីកាតា លើការពង្រឹងកិច្ចសហប្រតិបត្តិការទ្វេរភាគី កម្ពុជា-កាតា ជាពិសេស លើវិស័យពាណិជ្ជកម្ម អចលនទ្រព្យ និងឧស្សាហកម្មហាឡាល់នេះ ដោយលោកបន្តថា ជាក់ស្តែង រាជរដ្ឋាភិបាលកម្ពុជា បាននិងកំពុងតែជំរុញ និង បើកទ្វារទូលាយ ដល់បណ្តាវិនិយោគិនជាតិ និងអន្តរជាតិ ដើម្បីមកវិនិយោគគ្រប់វិស័យ នៅព្រះរាជាណាចក្រកម្ពុជា៕

ប្រភពព័ត៌មាន៖ Fresh News

សម្តេចតេជោ ហ៊ុន សែន អំពាវនាវឱ្យម្ចាស់ផ្ទះជួលទាំងអស់លក់តម្លៃទឹក ឱ្យកម្មករនិងនិស្សិតត្រឹម ១១០០-១២០០រៀលប៉ុណ្ណោះ

(ភ្នំពេញ)៖ សម្តេចនាយករដ្ឋមន្រ្តី ហ៊ុន សែន បានបញ្ជាឱ្យក្រសួងពាក់ព័ន្ធ លក់តម្លៃទឹកជូនដល់ម្ចាស់ផ្ទះជួល ក្នុងតម្លៃថេរមួយ គឺ១០៣០រៀល ក្នុងមួយម៉ែត្រគូប ហើយអំពាវនាវឱ្យម្ចាស់ផ្ទះជួលទាំងអស់លក់តម្លៃទឹកបន្តជូនកម្មករ និងនិស្សិត ត្រឹម១១០០ដល់១២០០រៀលប៉ុណ្ណោះ ក្នុងមួយម៉ែត្រគូប មិនអាចយកខ្ពស់ជាងនេះបានទេ ដើម្បីសម្រួលដល់ជីវភាពរបស់កម្មករ និងនិស្សិតនៅរាជធានីភ្នំពេញ។ ការថ្លែងរបស់សម្តេចតេជោ បានធ្វើឡើងនៅក្នុងពិធីចែកសញ្ញាបត្រ ដល់និស្សិតសាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច នាព្រឹកថ្ងៃទី១០ ខែកុម្ភៈ ឆ្នាំ២០១៥៕

ប្រភពព័ត៌មាន៖ Freshnews

លោក អេង ឆៃអ៊ាង ស្នើឱ្យរដ្ឋមន្រ្តីក្រសួងកសិកម្ម ដោះស្រាយបញ្ហាដីធ្លីដោយសន្តិវិធី

(ភ្នំពេញ)៖ ប្រធានគណៈកម្មការទី១ នៃរដ្ឋសភា លោក អេង ឆៃអ៊ាង បានស្នើឱ្យរដ្ឋមន្រ្តី ក្រសួងកសិកម្ម រុក្ខប្រមាញ់ និងនេសាទ លោក អ៊ុក រ៉ាប៊ុន ជួយដោះស្រាយបញ្ហាដីធ្លី ជូនប្រជាពលរដ្ឋ ដោយសន្តិវិធី ហើយកុំឱ្យក្រុមហ៊ុន យកប្រព័ន្ធតុលាការដាក់សម្ពាធមកលើប្រជាពលរដ្ឋឱ្យសោះ។ សំណើរបស់លោក អេង ឆៃអ៊ាងនេះ ត្រូវបានធ្វើឡើងនៅអំឡុងពេលជួបពិភាក្សាជាមួយ លោក អ៊ុក រ៉ាប៊ុន នៅក្នុងក្រសួងកសិកម្ម ព្រឹកថ្ងៃទី៩ ខែកុម្ភៈនេះ។ លោក អ៊ុក រ៉ាប៊ុន ពុំបានលើកឡើងច្រើននោះទេ នៅពេលជួបជាមួយអ្នកកាសែត ប៉ុន្តែលោកបញ្ជាក់ថា លោកនឹងចុះត្រួតពិនិត្យ បញ្ហាដីធ្លី នៅបណ្តាបណ្តាខេត្តមួយចំនួន ដូចជាកោះកុង ព្រះវិហារ ជាដើម៕

ប្រភពព័ត៌មាន៖ Freshnews

តុលាការសាកសួរបន្ថែមទៀតលើជនជាប់ចោទ សៀង វាសនា អង្គរក្ស ឧកញ៉ាថោង សារ៉ាត់ ពាក់ព័ន្ធឃាតកម្មលើឧកញ៉ា អ៊ឹង ម៉េងជឺ

(ភ្នំពេញ)៖ ចៅក្រមស៊ើបសួរ នៃសាលាដំបូងរាជធានីភ្នំពេញ នៅព្រឹកថ្ងៃទី០៩ ខែកុម្ភៈ ឆ្នាំ២០១៥ នេះ បានធ្វើការសាកសួរបន្ថែមទៅលើ ជាប់ចោទឈ្មោះ សៀង វាសនា អង្គរក្ស ឧកញ៉ាថោង សារ៉ាត់ ជាប់ពាក់ព័ន្ធនឹងឃាតកម្មទៅលើលោកឧកញ៉ា អ៊ឹង ម៉េងជឺ ដែលត្រូវបានឃាតករ បាញ់សម្លាប់ កាលពីយប់ថ្ងៃទី២២ ខែវិច្ឆិកា ឆ្នាំ២០១៣។ ជនជាប់ចោទឈ្មោះសៀង វាសនា ត្រូវបានបញ្ជូនមកកាន់សាលាដំបូងរាជធានីភ្នំពេញ តាមដីកាកោះ របស់ចៅក្រមស៊ើបសួរ នៅព្រឹកថ្ងៃនេះ។ សូមជំរាបថា ពាក់ព័ន្ធសំណុំរឿងឃាតកម្ម លើឧកញ៉ា អ៊ឹង ម៉េងជឺនេះ មានអង្គរក្សរបស់ឧកញ៉ា ថោង សារ៉ាត់ ចំនួន៤នាក់ ត្រូវបានចាប់ខ្លួន៕

ប្រភពព័ត៌មាន៖ Freshnews

ប្រជាពលរដ្ឋផ្អើលមើលស្រ្តីវ័យក្មេងម្នាក់ ដើរដោះអាវទាំងព្រឹក នៅក្បែររង្វង់មូលចោមចៅ

(ភ្នំពេញ)៖ សមត្ថកិច្ចបានឱ្យដឹងថា នៅវេលាម៉ោង៨៖៣០នាទី ព្រឹកថ្ងៃទី៩ ខែកុម្ភៈ ឆ្នាំ២០១៥នេះ មានស្រ្តីវ័យក្មេងម្នាក់ដែលគេមិនស្គាល់អត្តសញ្ញាណ បានដើរនៅតាមផ្លូវ ក្បែររង្វង់មូលចោមចៅ ស្ថិតខណ្ឌពោធិ៍សែនជ័យ រាជធានីភ្នំពេញ ដោយដោះអាវ ព្រលែងអស់ល្វែងខាងលើបណ្តាលឱ្យស្ទះចរាចរណ៍ បន្ទាប់ពីប្រជាពលរដ្ឋ និងអ្នកដំណើរគ្រប់គ្នាចោមរោមមើល ។ ស្រ្តីខាងលើបានដើរនៅលើផ្លូវ ហើយរត់ឡើងទៅលើរថយន្តកូរ៉េ ដឹកអង្ករមួយគ្រឿង ទោះជាប្រជាពលរដ្ឋហៅចុះមកវិញ ក៏នាងមិនព្រមចុះដែរ ប៉ុន្តែសមត្ថកិច្ចបានដាក់ការសង្ស័យថា ស្រ្តីខាងលើ ទំនងជាមានអការៈបែកថ្នាំ៕
ប្រភពព័ណ៌មាន៖ Freshnews

យុវជនគួរស្វែងយល់ អំពីរការលាបពណ៌ជាតិ ការរើសអើងពូជសាសន៍

លោកខឹម វាសនា វាយបកទៅលើគណបក្សប្រឆាំងយ៉ាងធ្ងន់ នូវវប្បធម៌លាបពណ៌របស់មេបក្សទាំងពីរ