សាលារាជធានីភ្នំពេញកំពុងប្រើប្រាស់ទំព័រហ្វេសប៊ុករបស់ខ្លួន ដើម្បីធ្វើទំនាក់ទំនងអោយកាន់តែស្និទ្ធ និងមានប្រសិទ្ធភាពជាមួយពលរដ្ឋរបស់ខ្លួន។ សម្រាប់អ្នកដែលប្រើប្រាស់ទូរស័ព្ទស្មាតហ្វូន និងកំព្យូទ័រ ហើយដែលមានគណនីយហ្វេសប៊ុកដែរនោះ ពួកគេបានផ្តើមការជជែកជាមួយថ្នាក់ដឹកនាំសាលារាជធានីតាមរយៈ ក្រុមការងារអ្នកកាន់ទំព័រហ្វេសប៊ុក ដែលជាមន្ត្រីរបស់សាលារាជធានីភ្នំពេញ។
លោក ឡុង ឌីម៉ង់ អ្នកនាំពាក្យសាលារាជធានីភ្នំពេញ បានប្រាប់អោយដឹងថា ក្រុមការងារដែលមានមន្ត្រី៥នាក់ជាអ្នកទទួលបន្ទុកគ្រប់គ្រងទំព័រហ្វេស ប៊ុក រាជធានីភ្នំពេញ។ មន្ត្រីទាំងអស់នេះហើយ ដែលត្រូវធ្វើទំនាក់ទំនងជាមួយមន្ត្រីតាមខណ្ឌអស់ ដើម្បីទទួលបានព័ត៌មាន និងរូបភាពអំពីសកម្មភាពរបស់អាជ្ញាធរខណ្ឌ មុននឹងពួកគេបង្ហោះផ្សព្វផ្សាយព័ត៌មាននេះជាសាធារណៈ។ ក្រុមការងារនេះក៏ត្រូវប្រមូលមតិអត្ថាធិប្បាយរបស់ពលរដ្ឋដែលមក ក្នុងទំព័រហ្វេសប៊ុករាជធានីភ្នំពេញដូចគ្នា ដើម្បីដោះស្រាយបញ្ហាជូនពលរដ្ឋ។
«មាន
ករណីខ្លះ យើងអាចដោះស្រាយជូនពួកគាត់បានភា្លម
ប្រសិនបើយើងអាចធ្វើបាន ដោយយើងជូនដំណឹង និងព័ត៌មានដែលពលរដ្ឋប្រាប់
ទៅអាជ្ញាធរខណ្ឌពាក់ព័ន្ធ។
ករណីខ្លះយើងប្រមូលធ្វើជារបាយការណ៍ទុកជូនគណៈអភិបាលរាជធានីភ្នំពេញ។
ប៉ុន្តែទោះយ៉ាងណា យើងឆ្លើយឆ្លងជាមួយពួកគាត់
ពន្យល់គាត់នូវបញ្ហានានា ដើម្បីអោយពួកគាត់អស់ចិត្ត។
យើងបានទទួលប្រសិទ្ធភាពការងារបានច្រើន
តាមរយៈការឆ្លើយឆ្លងជាមួយពលរដ្ឋនៅទំព័រហ្វេសប៊ុករបស់យើង»។
នេះជាការរៀបរាប់របស់លោក ឡុង ឌីម៉ង់
ដែលបានលើកយកឧទារហណ៍នៃការត្អូញត្អែរ
និងការមិនសប្បាយចិត្តខ្លាំងរបស់ពលរដ្ឋដែលរស់នៅតាមបណ្តោយផ្លូវជាតិ
លេខ១ ពីគល់ស្ពានច្បារអំពៅ ដល់វត្តក្តីតាកុយ។
អ្នកនាំពាក្យរូបនេះបានប្រាប់
អោយដឹងថាពលរដ្ឋបានសរសេរប្រាប់អំពីការខូចខាតកំណាត់ផ្លូវនេះ
យ៉ាងខ្លាំង។ លោករំលឹកថា៖«យើងបានសរសេរឆ្លើយប្រាប់ពួកគាត់វិញថា
ការសាងសង់ផ្លូវនេះដែលជាគម្រោងរបស់ក្រសួងសាធារណការ
នឹងចាប់ផ្តើមនៅក្នុងខែ១១ខាងមុខនេះហើយ។ ប៉ុន្តែទន្ទឹមពេលគ្នានេះដែរ
យើងក៏បានបញ្ចេញគ្រឿងចក្រឈូសឆាយជួសជុលកំណាត់ផ្លូវនោះដែរ។
ប្រជាពលរដ្ឋសប្បាយចិត្ត នៅពេលពួកគាត់ទទួលបានការឆ្លើយតប
និងបានទទួលបានព័ត៌មានពីយើង។ ពួកគាត់អរគុណយើង»។យោងតាមការអះអាងរបស់មន្ត្រីជាន់ខ្ពស់សាលារាជធានីដដែល ទំព័រហ្វេសប៊ុក «រាជធានីភ្នំពេញ» មិនត្រឹមតែដើរតួជាយន្តការនៃការទំនាក់ទំនងគ្នារវាងពលរដ្ឋ និងថ្នាក់ដឹកនាំសាលារាជធានីភ្នំពេញប៉ុណ្ណោះទេ ប៉ុន្តែវាក៏ជាវិធានការមួយចូលរួមពង្រឹងតម្លាភាពការងាររបស់មន្ត្រី អាជ្ញាធរថ្នាក់ក្រោមរបស់សាលារាជធានីដែរ ដូចជាការចូលរួមចំណែកកាត់បន្ថយអំពើ ពុក រលួយជាដើម។ បើតាមលោក ឡុង ឌីម៉ង់ មន្ត្រីថ្នាក់ក្រោមនឹងបារម្ភខ្លាចអំពីបណ្តឹងរបស់ប្រជាពលរដ្ឋដែល អាចចូលដល់ថ្នាក់ដឹកនាំសាលារាជធានីតែម្តងតាមរយៈទំព័រហ្វេសប៊ុក នេះ៕
ប្រភព៖ http://thmeythmey.com/index.php?page=detail&ctype=article&id=16662&lg=kh