១/ប្រភេទនៃការអនុវត្ដ
ការអនុវត្ដដោយបង្ខំត្រូវធ្វើឡើងដោយផ្អែកលើលិខិតអនុវត្ដ ម.៣៦០។ ភាគីដែលដាក់ពាក្យសុំឲ្យអនុវត្ដដោយបង្ខំហៅថា"ម្ចាស់បំណុលនៃការអនុវត្ដ"ហើយភាគីម្ខាងទៀតហៅថា"កូនបំណុលនៃការអនុវត្ដ"ម.៣៤៧។ ការអនុវត្ដដោយបង្ខំគឺធ្វើទៅតាមគោលបំណងនៃសិទ្ធិដូចជាៈ
ក.ចំពោះសិទ្ធិទាមទារដែលមានបំណងឲ្យសងជាប្រាក់
-ការអនុវត្ដដោយបង្ខំចំពោះចលនវត្ថុជាសមត្ថកិច្ចរបស់អាជ្ញាសាលា ម.៣៨៤ដល់ម.៤០១។
-ការអនុវត្ដដោយបង្ខំចំពោះសិទ្ធិលើបំណុលជាសមត្ថកិច្ចអនុវត្ដរបស់តុលាការអនុវត្ដ ម.៤០២ដល់ម.៤១៦។
-អនុវត្ដដោយបង្ខំចំពោះអចលនវត្ថុជាសមត្ថកិច្ចរបស់តុលាការអនុវត្ដ ម.៤១៧ដល់ម.៤៥៣។
-ការអនុវត្ដដោយបង្ខំចំពោះនាវាជាសមត្ថកិច្ចរបស់តុលាការ។
ខ.ចំពោះសិទ្ធិទាមទារដែលគ្មានគោលបំណងឲ្យសងជាប្រាក់
-ការអនុវត្ដដោយបង្ខំឲ្យប្រគល់អចលនវត្ថុម.៥២៤ ជាសមត្ថកិច្ចរបស់អាជ្ញាសាលា
-ការអនុវត្ដដោយបង្ខំឲ្យប្រគល់ចលនវត្ថុ ម.៥២៥ ជាសមត្ថកិច្ចរបស់អាជ្ញាសាលា
-ការប្រគល់វត្ថុដែលកាន់កាប់ដោយតតិយជន ម.៥២៦ជាសមត្ថកិច្ចរបស់តុលាការអនុវត្ដ។
-ការអនុវត្ដដោយបង្ខំចំពោះសិទ្ធិទាមទារឲ្យធ្វើសកម្មភាពឬមិនធ្វើសកម្មភាពណាមួយ ម.៥២៧និងម.៥២៨ជាសមត្ថកិច្ចរបស់តុលាការអនុវត្ដ។
គ.ការអនុវត្ដដោយបង្ខំចំពោះសិទ្ធិប្រាតិតិភោគ
-ការអនុវត្ដសិទ្ធិប្រាតិភោគ ចលនវត្ថុ ម.៥០០-ម.៥០៤
-ការអនុវត្ដសិទ្ធិប្រាតិភោគ អចលនវត្ថុ ម.៥០៩-ម.៥២០
-ការអនុវត្ដសិទ្ធិប្រាតិភោគ នាវា ម.៥២១-ម.៥២៣
-ការអនុវត្ដសិទ្ធិប្រាតិភោគ សិទ្ធិលើបំណុលនិងទ្រព្យផ្សេងទៀត ម.៥០៥ដល់ម.៥០៨។
២/ការចាប់ផ្ដើមអនុវត្ដ
នីតិវិធីការអនុវត្ដមានគោលបំណងឲ្យសងប្រាក់ចំពោះ
ក.ចំពោះចលនវត្ថុ
-ក្រោយពីមានសាលក្រមឬសាលដីកាស្ថាពរហើយម្ចាស់បំណុលត្រូវដាក់ពាក្យសុំឲ្យផ្ដល់រូបមន្ដទៅក្រឡាបញ្ជីឬសាការីដោយធ្វើជាលាយលក្ខណ៍អក្សរ។
-ការផ្ដល់រូបមន្ដដោយក្រឡាបញ្ជីឬសាការី។
-ពាក្យសុំអនុវត្ដដោយបង្ខំដាក់ទៅអាជ្ញាសាលា-បញ្ជូនទៅកូនបំណុល
-ការបង់ពន្ធដាក់ពាក្យសុំនិងសោហ៊ុយជាមុន ហើយក៏មានការបង់សោហ៊ុយក្រោយពីពន្ធដាក់ពាក្យសុំនិងសោហ៊ុយភាគី។
-នៅពេលបង់ពន្ធរួចរាល់ហើយអាជ្ញាសាលាទទួលរឿងក្ដីយកមកចាត់ការតាមនីតិវិធី៕
អង្គ កុលបុត្រ
និស្សិតសាកលវិទ្យាល័យ ភូមិន្ទ
នីតិសាស្ដ្រ និងវិទ្យាសាស្ដ្រសេដ្ឋកិច្ច
ឯកសារយោងពី
ចៅក្រមសាលាដំបូងរាជធានីភ្នំពេញ