អាជ្ញាធរសុខាភិបាលអេស្ប៉ាញ រាយការណ៍កាលពីយប់ថ្ងៃទី១៦ សីហា ថា មនុស្សម្នាក់អាចឆ្លងវីរុសអេបូឡានៅអេស្ប៉ាញ ក្រោយការស្លាប់របស់សាសនៈទូតអេស្ប៉ាញម្នាក់ ដែលបញ្ជូនមកកាន់ទីក្រុងម៉ាឌ្រីដ កាលពីថ្ងៃទី៧ សីហា ហើយដាក់នៅដាច់ពីគេក្នុងមន្ទីរពេទ្យឯកទេសមួយនៅទីក្រុង ALICANTE ភាគខាងលិចប្រទេស មក ។
ប្រភពព័ត៌មានមន្ទីរពេទ្យមួយបញ្ជាក់ថា ការត្រួតពិនិត្យនានា ត្រូវបានធ្វើជាមួយអ្នកជំងឺនោះ ក៏ប៉ុន្តែ គេរង់ចាំលទ្ធផលនាពេលខាងមុខ អាចនាថ្ងៃទី១៨ សីហា ។ មានករណីសង្ស័យឯទៀតៗ ត្រូវបានលើកឡើងតាំងពីវីរុសអេបូឡាចាប់ផ្តើមរាតត្បាតមក ក៏ប៉ុន្តែពុំទាន់មានអ្នកឆ្លងណាមួយត្រូវបានបញ្ជាក់ក្នុងប្រទេសឡើយ ។
ប្រភពព័ត៌មានមន្ទីរពេទ្យមួយបញ្ជាក់ថា ការត្រួតពិនិត្យនានា ត្រូវបានធ្វើជាមួយអ្នកជំងឺនោះ ក៏ប៉ុន្តែ គេរង់ចាំលទ្ធផលនាពេលខាងមុខ អាចនាថ្ងៃទី១៨ សីហា ។ មានករណីសង្ស័យឯទៀតៗ ត្រូវបានលើកឡើងតាំងពីវីរុសអេបូឡាចាប់ផ្តើមរាតត្បាតមក ក៏ប៉ុន្តែពុំទាន់មានអ្នកឆ្លងណាមួយត្រូវបានបញ្ជាក់ក្នុងប្រទេសឡើយ ។
កាលពីថ្ងៃទី១៣ សីហា កន្លងមកនេះ មនុស្សជាច្រើនរយនាក់បានលើកគ្នាទៅគោរពវិញ្ញាណក្ខន្ធជនរងគ្រោះដោយវីរុសអេបូឡា នាឱកាសបូជាសពសង្ឃកាតូលិក អេស្បា៉ញ MIGUEL PAJARES ជាជនអឺរ៉ុបដំបូងគេស្លាប់ដោយការឆ្លងវីរុសនេះ ។ សង្ឃកាតូលិកព្រះជន្ម៧៥ព្រះវស្សានេះ ត្រូវបានធ្វើមាតុភូមិនិវត្តន៍ពីប្រទេសលីបេរីយ៉ា មកកាន់ក្រុងម៉ាឌ្រីដ កាលពីប៉ុន្មានថ្ងៃមុន ហើយពុំអាចព្យាបាលជាដោយសេរ៉ូមអាមេរិក ប្រើសាកល្បងមួយដែលហាក់ផ្តល់លទ្ធផលវិជ្ជមានសម្រាប់ការព្យាបាលជនជាតិអាមេរិក២នាក់ ដែលឆ្លងវីរុសមកពីអាហ្វ្រិកខាងលិចដែរ ។
ចំណែកប្រទេសកេនយ៉ា កាលពីថ្ងៃទី១៦ សីហា ប្រកាសហាមឃាត់ការចូលក្នុងដែនដីខ្លួន គិតចាប់ពីថ្ងៃទី២០ សីហា ទៅ សម្រាប់បណ្តាអ្នកដំណើរមកពីប្រទេសហ្គីណេ លីបេរីយ៉ា និងស៊ីរ៉ាឡេអូន ដែលវីរុសអេបូឡារាតត្បាតខ្លាំង ។
ក្រុមហ៊ុនអាកាសចរជាតិកេនយ៉ា KENYA AIRWAYS ក៏ប្រកាសផ្អាកការហោះហើរទៅកាន់ប្រទេសទាំងនោះដែរ ចាប់ពីថ្ងៃទី ២០ សីហា ទៅ ។
វីរុសអេបូឡា មកទល់ពេលនេះសម្លាប់មនុស្ស១.១៤៥នាក់ហើយនៅអាហ្វ្រិកខាង លិច ៕
វីរុសអេបូឡា មកទល់ពេលនេះសម្លាប់មនុស្ស១.១៤៥នាក់ហើយនៅអាហ្វ្រិកខាង លិច ៕
