រាជធានីភ្នំពេញ ៖ អាជ្ញាធរខណ្ឌដូនពេញ ពិសេសមន្រ្តីទទួលបន្ទុកផ្នែកសណ្តាប់ធ្នាប់បានធ្វើការច្រានចោលចំពោះការចោទថា សណ្តាប់ធ្នាប់ខណ្ឌបានយកលុយក្បាលឡានដែលដឹកធ្ងន់ឆ្លងកាត់ស្ពានជ្រោយចង្វាចាស់ ។
ការច្រានចោលនេះ បានធ្វើឡើងបន្ទាប់ពីមានប្រព័ន្ឋផ្សព្វផ្សាយមួយចំនួនបានផ្សាយថា ខាងកម្លំាងសណ្តាប់ធ្នាប់ខណ្ឌដូនពេញបានទារលុយក្បាលឡានដឹកធ្ងន់ក្នុង១គ្រឿង ១ដុល្លារ ជាថ្នូទៅនឹងការអនុញ្ញាតឲ្យរថយន្តដឹកធ្ងន់នោះ បើកឆ្លងកាត់ស្ពានជ្រោយចង្វាចាស់ បំពានទៅនឹងបម្រាមរបស់សាលារាជធានីភ្នំពេញ ។
គួរបញ្ជាក់ដែរថា ស្ពានជ្រោយចង្វាចាស់ ត្រូវបានសាលារាជធានីភ្នំពេញ កាលពីដើមសបា្តហ៍មុន បានដាក់បារ៉ាស់មិនអនុញ្ញាតឲ្យរថយន្តដឹកធ្ងន់ឆ្លងកាត់ ដើម្បីធ្វើការជួសជុល ខណៈស្ពានមានស្នាមប្រេះដោយអន្លើ ៕
