ក្រោយពេលហេតុភ្លាមៗ ក្មេងប្រុសនេះ ត្រូវបានបញ្ជូនទៅកាន់មន្ទីរពេទ្យទីរួមខេត្ត Zhengzhou, ហើយគ្រូពេទ្យនៅទីនោះ ក៏បានសម្រេចចិត្តវះកាត់ដៃរបស់គេចេញ ។
បណ្តារូបថតដែលបានបង្ហោះលើអ៊ីនធើរណេត បានបង្ហាញឲ្យឃើញ ដៃពាក់កណ្តាលរបស់ក្មេងប្រុសនេះ ស្ថិតនៅក្នុងទ្រុងខ្លាឃ្មុំ ។ រីឯឪពុកម្តាយក្មេងនេះវិញ បានធ្វើការចោទប្រកាន់សួនសត្វនេះ ថាពុំមានការពារឲ្យបានល្អ ។ ចំណែកអ្នកប្រើប្រាស់នៅលើ Weibo មិនយល់ស្របជាមួយពួកគេ ទៅលើបញ្ហាទទួលខុសត្រូវនេះទេ ។
ប្រភពព័ត៌មានបានឲ្យដឹងថា មានរបងឃាំងស្ថិតនៅចម្ងាយ ២ ម៉ែត្រ ពីទ្រុងខ្លាឃ្មុំ ។ ប៉ុន្តែ ក្មេងប្រុសនេះ បានឡើងលើរបងឃាំងនោះ ដើម្បីផ្តល់ចំណីដល់ខ្លាឃ្មុំ ។ សូមបញ្ជាក់ថា មានស្លាកសញ្ញាសរសេរថាៈ “សូម កុំចូលមកឲ្យចំណីសត្វ (NO FEEDING)” ។ អ្នកលេងអ៊ីនធើរណេតម្នាក់ បាននិយាយថាៈ បើសិនជាក្មេងប្រុសនេះ ពុំបានយល់អំពីពាក្យហាមឃាត់នេះក្តី, តែឪពុកម្តាយមិនគួរណាមិនដឹងពីអត្ថន័យសរសេរនៅស្លាកសញ្ញានោះសោះឡើយ ។
បុគ្គលិកនៅសួនសត្វនេះ បាននិយាយថា រឿងរ៉ាវបែបនេះ គឺបានកើតឡើងញយដងទៅហើយ ។ យ៉ាងណាមិញ ចំណែកឪពុកម្តាយក្មេងប្រុសនេះ ឥឡូវកំពុងអំពាវនាវស្វែងរកការបរិច្ចាគសប្បុរសធម៌ សម្រាប់ថ្លៃសេវាព្យាបាលកូនប្រុសរបស់ខ្លួនផងដែរ ៕
