បុរសជាជនជាតិអាល្លឺម៉ង់ម្នាក់បានធ្វើឲ្យមានការភ្ញាក់ផ្អើលយ៉ាងខ្លាំងដោយសារគាត់មានសមត្ថភាពប្រើដៃកាន់កែវ ស្រាជាច្រើនដើម្បីជាប់ឈ្មោះ ក្នុងសៀវភៅ កំណត់ត្រាហ្គីណេសពិភពលោកជាមនុស្ស ដែលអាចកាន់កែវស្រាធំៗ ច្រើនជាងគេលើពិភពលោក។
តាមប្រភពសារព័ត៌មាន Asiantown បានឲ្យដឹងថា បុរសអាល្លឺម៉ង់នេះត្រូវបានគេស្គាល់ឈ្មោះ Oliver Struempfelបានបំបែកកំណត់ត្រាពិភពលោក ក្នុងការកាន់ កែវធំៗ ដោយបានដាក់ស្រាបៀរពេញកែវ មិនឲ្យកំពប់ឡើយ ហើយគាត់អាចកាន់បានទៅដល់២៧កែវ និងអាចដើរដោយកាន់កែវ មានទឹកស្រាបៀរទាំងនោះ ដើរបានចម្ងាយ រហូត ៤០ ម៉ែត្រ ផងដែរ។
ក្នុងនោះដែរ គាត់បាន បញ្ជាក់ពីមូលហេតុដែលអាចឲ្យគាត់ កាន់បានកែវច្រើនយ៉ាងនេះ គឺដោយបានធ្វើការងារ ដោយការកាន់កែវ ស្រាបៀរធំៗបែបនេះ អស់រយៈជាង ១៧ឆ្នាំ ក្នុងពិធីប្រពៃណី ស្រាបៀរ Gillemoos នៅអាល្លឺម៉ង់៕