អតីតប្រធានក្រុមជម្រើសជាតិអង់គ្លេសលោក David Beckhamបានអះអាងថា លោកបានចូលវិវត្តន៍ពីកីឡាបាល់ទាត់ គឺដើម្បីក្លាយជាអ្នករត់តាក់ស៊ីសម្រាប់កូនៗរបស់លោក តែលោកបានសារភាពដែរថា លោកមិនដឹងជាមានមោទនភាពបែបណាទេ ប្រសិនបើក្រុមជម្រើសជាតិអង់គ្លេសផ្តល់ឱកាសឲ្យលោកបានលេងជាមួយពួកគេជាថ្មីម្តងទៀតនោះ។
លោកបានប្រកាសឲ្យដឹងថា លោកនឹកនាដល់ការលេងឲ្យក្រុមជម្រើសជាតិអង់គ្លេសជាងអ្វីៗទាំងអស់។
នៅពេលដែលក្រុមជម្រើសជាតិអង់គ្លេសលេងនៅមុខក្រុមគាំទ្រជាង៤ម៉ឺននាក់របស់ខ្លួនអំឡុងការប្រកួតលក្ខណៈមិត្តភាពជាមួយក្រុមជម្រើសជាតិណ័រវ៉េ នៅក្នុងទឹកដី Wembley វាហាក់មានអារម្មណ៍ស្រើបស្រាលខ្លាំងណាស់ពេលឮសម្តីរៀបរាប់របស់លោក Beckham។
វាមានរយៈពេល៥ឆ្នាំមកហើយដែល លោក Beckhamបានដកខ្លួនចេញពីក្រុមជម្រើសជាតិអង់គ្លេស ក្រោយលេងបាន១១៥លើកឲ្យក្រុមមួយនេះ និងជាលើកចុងក្រោយនៅការទាត់ជម្រុះ World Cupជាមួយក្រុមជម្រើសជាតិបេឡារូស នៅក្នុងទឹកដី Wembley។ សម្រាប់បុរសម្នាក់ ដែលបានក្លាយជានិមិត្តរូបនៅក្នុងកីឡាបាល់ទាត់នៅទូទាំងពិភពលោក ការពាក់អាវស នៅតែមានន័យយ៉ាងជ្រាលជ្រៅដដែលសម្រាប់រូបលោក។
លោកបាននិយាយថា បើទោះជាពេលនេះ លោកគ្រាន់តែជាអ្នកបើកតាក់ស៊ីដឹកកូនៗរបស់លោកពិតមែនក្តី តែលោកនៅតែមានមហិច្ឆតាមួយ។ លោកចូលចិត្តការជួបជុំគ្នា ការប្រកួត និងចាំអត់ភ្លេចពីពេលវេលាដែលលោកធ្វើជាប្រធានក្រុមជម្រើសជាតិអង់គ្លេសបាន៥៩លើក។ លោកបានបន្តទៀតថា លោកនឹកក្លឹបបិសាចក្រហម Man Utdនិងក្លឹប Real Madridព្រមទាំងក្រុមទាំងអស់ដែលលោកធ្លាប់លេងជាមួយ៕
