ប្រភពព័ត៌មានពីកន្លែងកើតហេតុបានឲ្យដឹងថា រថយន្តបង្កម៉ាកអេស្កាឡែត ពណ៌ស ពាក់ស្លាកលេខ ភ្នំពេញ 2AB 2112 បើកបរដោយពិធីការិនី ទូរទស្សន៍បាយ័ន សុខ សោម៉ាវត្តី ដែលគេស្គាល់ថា ជាកូនប្រុសារបស់លោកអតីតស្នងការ ទូច ណារ័ត្ន និងមានប្តីឈ្មោះ ទូច ដាណារ៉ា ហៅពេជ្រ រួមដំណើរជាមួយប្អូនស្រីម្នាក់ ទិសដៅពីកើតទៅលិច ស្របគ្នាជាមួយម៉ូតូស្មាសវី ពណ៌ខ្មៅ ពាក់ស្លាកលេខ ភ្នំពេញ 1BL 6785 ជិះគ្នា ២នាក់ និងមានរ៉ឺម៉កដឹកប្រេងម៉ាស៊ីនខ្មៅ ដែលទើបនឹងត្រឡប់មកពីទិញប្រេងម៉ាស៊ីនខ្មៅ ខណៈមកដល់ចំណុចខាងលើ អ្នកបើកបរ ជាពិធីការិនីរូបនោះ រវល់តែនិយាយទូរស័ព្ទ បានបើករថយន្តទៅបុកពីក្រោយម៉ូតូ ដួលបោកទៅខាងឆ្វេងរថយន្ត ធ្វើឲ្យអ្នកបើកម៉ូតូដួលទ្រពលើកញ្ចក់ម៉ូតូ បាក់កញ្ចក់ដួលរលាត់ដៃ រលាត់ជើង ចំណែកអ្នករួមដំណើរជាមួយ រងរបួសរបួសស្រាល ។
ក្រោយពេលកើតហេតុ អ្នកឃើញហេតុការណ៍បានឲ្យដឹងថា អ្នកជិះម៉ូតូទាំង ២នាក់ អាចដើរបាន រងរបួសស្រាលទេ ហើយប្អូនស្រីរបស់ពិធីការិនី ចុះពីលើរថយន្តយកលុយ១០ដុល្លារ ទៅឲ្យជនរងគ្រោះ តែជនរងគ្រោះមិនព្រមយក ត្រូវបាននារីជាប្អូនស្រីនោះនិយាយថា បុករលាត់ដៃរលាត់ជើងតិចតួចសោះ មិនព្រមយក ១០ដុល្លារទេ បែរជាធ្វើពុតជាឈឺធ្ងន់ទៅវិញ ។
ព័ត៌មានលម្អិត សូមរង់ចាំអានលើទំព័រកាសែត នគរធំ ៕