ការធ្វើតេស្តពិសោធន៍ទាំងឡាយដោយវិទ្យាស្ថានជាតិផ្នែកសុខាភិបាលនៃសហរដ្ឋអាមេរិកបានបង្ហាញឲ្យឃើញពីភាពសុំានៃជំងឺអាចនឹងទទួលជោគជ័យដោយយ៉ាងហោចប្រើពេលវេលាដល់ទៅ១០ខែទៀត។
ការសាកល្បងទៅលើមនុស្សដោយចាក់វាក់សាំងនេះបានចាប់ផ្តើមនៅក្នុងសប្តាហ៍នេះហើយនៅសហរដ្ឋអាមេរិកហើយនិងធ្វើនៅចក្រភពអង់គ្លេសនិងទ្វីបអាហ្វ្រិកតែម្តង។
អង្គការសុខភាពពិភពលោក WHO និយាយថា មានមនុស្សដល់ទៅជាង២០០០នាក់ទៅហើយដែលបានស្លាប់នៅក្នុងការរាលដាលនៃជំងឺ Ebola នេះការព្យាបាលទៅតាមការពិសោធន៍នៅពេលនេះកំពុងតែត្រូវបានចាត់ទុកថាជួយទប់ស្កាត់បាននូវការរាលដាលនៃជំងឺរាតត្បាតនេះ។
នៅក្នុងនោះក៏រួមទាំងវ៉ាក់សាំងមួយប្រភេទដែលកំពុងតែអភិវឌ្ឍន៍ដោយវិទ្យាស្ថានជាតិផ្នែកអាការៈអាលែរហ្ស៊ីនិងជំងឺឆ្លងរបស់សហរដ្ឋអាមេរិកព្រមទាំងដោយក្រុមបានឱសថ Glaxo Smithkline។ វ៉ាក់សាំងនេះត្រូវបានប្រើដោយវីរុសនៅក្នុងសត្វស្វាដោយមាន២ពពួកនៃវីរុសEbola-Zaire ដែលកំពុងតែកើតមានពាសពេញនៅតំបន់អាហ្វ្រិកខាងលិចនិងពពួកនៃក្រុមវីរុសEbola នៅប្រទេសស៊ូដង់។
បើតាមតួលេខដែលចេញផ្សាយដោយអង្គការWHO បានឲ្យដឹងថា ចាប់ពីថ្ងៃទី០៥ ខែកញ្ញាមកចំនួនមនុស្សស្លាប់បានកើនឡើងដល់ចំនួន២១០៥នាក់ហើយដែលមរណភាពដោយសារជំងឺ Ebola ស្លាប់ដោយការអះអាងថា មកពីជំងឺEbolaនិងស្លាប់ដោយការសង្ស័យថា មកពី Ebloa។ ក្នុងនេះមានស្លាប់នៅ៖
-ប្រទេសលីបេរីយា៉ ១០៨៩នាក់
-ប្រទេសហ្គីណេ ៥១៧នាក់
-ប្រទេសស៊ីរ៉ាឡេអូន ៤៩១នាក់
-ប្រទេសនីហ្សេរីយ៉ា ៨នាក់។
វ៉ាក់សាំងដែលត្រូវបានយកទៅពិសោធន៍ជាមួយសត្វស្វាឪនោះមានឈ្មោះហៅថា ChAd3 ដោយក្រោយការចាក់រួចរយៈពេល៥សប្តាហ៍សត្វស្វា៤ក្បាលដែលមានកម្រិតវីរុស Ebola នៅក្នុងខ្លួនរបស់វាយា៉ងខ្ពស់បំផុតត្រូវបានទទួលការការពារដោយអង្គបដិបក្ខ។
ដោយឡែកវ៉ាក់សាំងមួយប្រភេទទៀតដែលធ្លាប់ត្រូវបានគេចាប់អារម្មណ៍ដល់នោះគឺវ៉ាក់សាំងZMappដែលត្រូវបានយកទៅចាក់ឲ្យអ្នកជំងឺEbola ចំនួន៧នាក់ ប៉ុន្តែគេមិនដឹងទេថា តើវ៉ាក់សាំងនោះពិតជាបានជួយសង្គ្រោះជីវិតរបស់អ្នកជំងឺទាំងនោះមែនដែរឬយ៉ាងណា។ ក្រោយពីចាក់ថ្នាំនោះរួចមកមានអ្នកជំងឺ៥នាក់បានចាកចេញពីមន្ទីរពេទ្យមកវិញក្នុងនោះមានពលរដ្ឋអាមេរិកាំងចំនួន២នាក់ផងដែរ។ លើកលែងតែអ្នកជំងឺ២នាក់ផ្សេងទៀតដែលគ្មានភ័ព្វសំណាងមានជីវិតរស់នៅ។
បើតាមការឲ្យដឹងពីអង្គការ WHO វិញទៀតថា មានមនុស្សយ៉ាងច្រើនប្រមាណជា២០០០០នាក់ប្រហែលជារងការឆ្លងEbola រួចទៅហើយគឺមុនពេលដែលជំងឺរាតត្បាតនេះត្រូវបានស្ថិតនៅក្រោមការគ្រប់គ្រងបាន៕