លោកជឹម ស៊ីថា អធិការស្ដីទី ប៉ូលិសខណ្ឌមានជ័យ បានបញ្ជាក់ថា សង្ឃចាប់ឃាត់ខ្លួននោះ មាន៦អង្គ និង បុរសម្នាក់ដែលពួកគេទាំងអស់បាន ប្រព្រឹត្ដខុសឆ្គងពីវិន័យសង្ឃ ។
សង្ឃបរាជិក៦អង្គនោះ រួមមាន ទី១ ព្រះនាម រស់ សុវណ្ណា ព្រះជន្ម២៦ វស្សា គង់នៅកុដិលេខ៤៧ នៅឃុំ រលៀប ស្រុកសំពៅមាស ខេត្ដពោធិ៍ សាត់ ។ ទី២ ព្រះនាម ជឿន វណ្ណឌី ព្រះជន្ម១៧វស្សា ទី៣ ព្រះនាម ម៉ម សុគន្ធា ព្រះជន្ម២៧វស្សា នៅកុដិលេខ ១១ ទី៤ ព្រះនាមនឿន ផាន់ណាត ព្រះជន្ម១២វស្សា នៅកុដិលេខ១១ ។ សង្ឃទាំង៣អង្គនេះ មានស្រុកកំណើត នៅឃុំដូនយ៉យ ស្រុកឈូក ខេត្ដកំពត។ ទី៥ ព្រះនាមសឿន សុវណ្ណៈ ព្រះជន្ម ២៩វស្សា នៅកុដិលេខ១១ ឃុំត្រពាំងធំ និងទី៦ ព្រះនាម នឿន សារុន ព្រះជន្ម ១៨វស្សា នៅកុដិលេខ១១ នៅស្រុក ឱរ៉ាល់ ខេត្ដកំពង់ស្ពឺ ។ សង្ឃ៦អង្គនេះ បានមកគង់នៅវត្ដស្ទឹងមានជ័យ ។
រីឯបុរសម្នាក់ទៀតឈ្មោះឡេង រតនា អាយុ២៦ឆ្នាំ នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ ក្រុង ភ្នំពេញ ។
បើតាមសម្ដីលោកឌី រ័ត្នខេមារុន អភិបាលរងខណ្ឌមានជ័យ និងលោក ជឹម ស៊ីថា អធិការស្ដីទីបញ្ជាក់ថា ក្នុង កិច្ចប្រតិបត្ដិការចុះចាប់ឃាត់ខ្លួនសង្ឃ បរាជិកខាងលើនេះ ដោយយោងទៅ តាមពាក្យបណ្ដឹងរបស់ព្រះសង្ឃគង់ នៅវត្ដស្ទឹងមានជ័យ ព្រមទាំងយាយជី តាជី និងពុទ្ធបរិស័ទរស់នៅជុំវិញវត្ដ ស្ទឹងមានជ័យ ។
លោកឌី រ័ត្នខេមារុន និងលោក ជឹម ស៊ីថា បញ្ជាក់ថា ចំពោះសង្ឃ បរាជិកទាំងអស់នោះ ក្រោយពីសេព គ្រឿងញៀន ផឹកស្រា ៅពជ ស្រវឹងដាប ខ្លួន ហើយនោះបានទៅលូនចូលដេក នៅក្រោមកុដិក្នុងវត្ដស្ទឹងមានជ័យ ដោយដេកចាក់សោពីក្រៅទៀត ។
ក្នុងកិច្ចប្រតិបត្ដិការនេះកម្លាំង ចម្រុះបានដើររុករកសង្ឃបរាជិកនេះ ពេញវត្ដ ទម្រាំរកឃើញកំពុងដេក លក់ក្នុងស្ថានភាពស្រវឹងនៅឡើយ ។
នៅក្នុងកុដិសង្ឃបរាជិកទាំង អស់ខាងលើនោះ សមត្ថកិច្ចអាជ្ញាធរ បានរកឃើញសម្បកកំប៉ុងស្រាបៀរ សក់ពាក់សម្រាប់ទុកដើរលេងពេលយប់ ដំបង។ល។
អ្នកស្ទឹងមានជ័យបានគាំទ្រ ទៅដល់កម្លាំងសមត្ថកិច្ចអាជ្ញាធរខណ្ឌ មានជ័យ រួមដៃគ្នាចុះចាប់ឃាត់ខ្លួន សង្ឃបរាជិកទាំងអស់នោះ ដែលកំពុង ប្រព្រឹត្ដខ្លួនខុសឆ្គងពីវិន័យសង្ឃ ហើយធ្វើឱ្យប៉ះពាល់វិស័យព្រះពុទ្ធ សាសនា ។
ប្រជាជនស្នើទៅដល់សមត្ថកិច្ច អាជ្ញាធរធ្វើការបោសសម្អាតជនខិល ខូចដែលប្រមូលផ្ដុំគ្នា ពួនសម្ងំនៅវត្ដ ស្ទឹងមានជ័យ ។ សព្វថ្ងៃនៅវត្ដស្ទឹង មានជ័យ ក្រៅពីសង្ឃសេពគ្រឿងញៀន ផឹកស្រា និងលេងល្បែងស៊ីសងគ្រប់ ប្រភេទ នៅមានភាពរញ៉េរញ៉ៃសម្បើម ណាស់ មើលទៅហាក់ដូចជាមិនស័ក្ដិ សមទីវត្ដអារាមសោះ ។
លោកឌី រ័ត្នខេមារុន អភិបាល រងខណ្ឌមានជ័យបានបញ្ជាក់ថា ចំពោះ សង្ឃ៦អង្គនោះ ខាងអាជ្ញាធរខណ្ឌ បានប្រគល់ទៅឱ្យខាងធម្មការខណ្ឌ និងមន្ទីរធម្មការចាត់ការតាមនីតិវិធី សង្ឃ៕
.jpg)