ដាម៉ាសៈ មានក្រុមសកម្មប្រយុទ្ធរដ្ឋឥស្លាម (IS) ប្រមាណ៥០នាក់ស្លាប់ និងរងរបួស កាលពីថ្ងៃអាទិត្យ នៅក្នុងអំឡុងពេលនៃការប៉ះទង្គិចជាមួយក្រុមសកម្មប្រយុទ្ធ Kurdish នៅទីក្រុង Ayn al-Arab ប្រទេសស៊ីរី ដែលមានព្រំដែនជាប់ប្រទេសទួរគី។
យោងតាមរបាយការណ៍បានឲ្យដឹងថា ក្រុម IS បន្តការផ្លោងដាក់ទីក្រុង ស្របពេលដែលក្រុមឧទ្ទាម Kurdish និងក្រុមដទៃដែលជ្រៀតចូលជាមួយក្រុម Kurdish រក្សាការគ្រប់គ្រងតំបន់ភាគខាងកើតនៃទីក្រុង ហើយក្រុម IS ក៏បានធ្វើការបំផ្ទុះមួយនៅតំបន់ខាងកើត Ayn al-Arab ដោយមានការដាក់សាកសពនៅក្នុងរថយន្ត។
ជាមួយគ្នានេះដែរ ក្រុមអង្កេតការណ៍សិទ្ធិមនុស្សដែលមានមូលដ្ឋានទៅប្រទេសអង់គ្លេស បានឲ្យដឹងថា មានក្រុមសកម្មប្រយុទ្ធ និងប្រជាជនស៊ីវិលប្រមាណ៨០០នាក់ បានបាត់បង់ជីវិតនៅក្នុងអំឡុងនៃការប្រយុទ្ធនៅតំបន់ Ayn al-Arab៕
